Was meint Vibreen zu seinen Kopfhoerer Systemen, die er seit jahren fuer seine Produktionen verwendet.
Vibreen welche Kopfhoerer empfiehlst du uns ?
Woni langsam s'gäld zämä gha ha , isch dä "Focal Clear Pro" min eidütigä favorit gsi. Wieso ächt ? Diä cheibä händ d'Ohrpolster perforiert! Nach langem werweisslä und afragä bi shops uf testmöglichkeit, hani schnäll müsä feststellä das d'Focal zwar äs super marketing gmacht händ aber wohl doch nöd soo das wahre sind. Usser di perforiertä polster woni ja schlussendli scho sälber für mich "erfundä" ha . Bi uf jedä fall sit äs paar wuchä stolzä bsitzer vo dä "MrSpeakers Ether Flow" Äs offäs system mit Elektrostatischä Triber. So wieni mehrfach mitübercho ha, isch dä hauptgusti wo bi "Audeze" für elektrostatä zuäständig gsi isch, abghauä und hät sich bi "MrSpeakers" tätig gmacht :) Guet , jetzt hani für mich dä besti chopfhörer uf däm planet aber d'ohrpolster sind nöd perforiert 🤣😂 Nei, spass bei seite . Fakt isch , äs sind nöd monitorä! Dä underschied zwüschä "DJ KH" und "HighEnd KH inkl. Verstärker" isch glich gewaltig und sehr gwöhnigsbedürftig wänn mä sich a 0815 Audiosystem (aso normali hochwertigi speaker oder KH gwöhnt isch) Unterschied Dj KH / HighEnd KH : Bild 3 erklärt das ganzä rein optisch scho recht guet. Ufämä HE KH mit HE Verstärker isch sozägä d'bühni wo sich d'musig abspielt um vielfaches grösser und wiiter. Aber sie verzeiht au absolut gaar nüt. Wänn vor dir ä bombä explodiert , ghörsch wiit vornä im wald no än chäfer wo furzt und alles erschiint milimeter gnau ortbar um dä ganzi chopf (wänn so effekt vorhandä sind) Unterschied HE KH / Monitoren Bewusst igrichtäti monitorä imä einigermassä guetä ruum chönd äs stereobild ufzeigä wo i däm usmass eifach kein KH dra chund däzuä chund no das gwüssi frequenzä i verschidenä körperregionä wahr gno werdäd wo än KH halt nur ufäm chopf sitzt. Strubä isch aber , wän du dir dänä frequenä dütlich und langjährig bewusst bisch , fangsch a am ganzä körper z'fühlä obwohl underäm KH bisch . Fazit : So äs HighEnd KH system isch äs absoluts werkzüg. Normal musig losä isch sogar ufmä DJ KH agnähmer , will er eifach nöd jeeeedä scheiss fähler oder zbsp. artefakt vo mp3 so gnaadälos ufzeigt. Im endefekt ischs am wichtigstä , dass mä sich über di richtig abhörlutstärki bewusst isch 😊
Vibreen Live!
Audios Amigos! 😘